التخريجة1
شفت الحال طااال تخمامو
ما
رسى على جملْ ولا جمّال يزطّط ايّامو
قلت نرمي شباكي
موج البحر
رسى على داك البرْ
وخّا هو روحاني
مرة يهدى ومرات يسيب
جبرت الحال طالع واكل
يملوجْ ف سواك الخنات
التخريجة 2
كْدّمت القلم.وبالي سااارح
حتا سااال مدادو
ما شاط لي باش نزمّم
ولا نروي كلام عطشان
شاب فْتعْدادو
التخريجة3
هما قالو:الصُّحبة فزمانكم عْداوة
وانا نقول:إيلا شاطتْ المحَنّة منْ
الخاوة
صُرْها لديك لّياّم لّ جايَّة
يمْكَن تتْدّاوَى
...
...
...
...
التخريجة4
طاحت الكْلّة وتقسمت على جوج
ضاعت فيها القبيلة,حتا الخوت بجوج
التخريجة 5
يمكن العظم يرشى على لحم مجذام
محال الصبر يخيّط ثوب القبر
وخّا التراب يغطي الوجع
يردم الكيّات
مازال الحاال
يتفكًعْ
التخريجة6
تمنيت نكون نغمة ف النّاي
وتر فدفّة العود
تمنّيت نكون شمعة ف الحسكة
قطرة ف الشّهدة
ولا نكون عود طري حسّاسْ
خدّام على هاذ الكسدة ترّااسْ
التخريجة7
وجع البطالة حااار
مسموووم
سرى فدمي
فرتت لحمي
غزّزعظامي تغزااازّ
باب مزكرم
قفل عساس
مابغى يتبطل
ما نفع معه تهراس
ف نص العمر
شاب الرّاس بكري وعمرّ
ريْ يصيب وريْ يخيبْ
طريق تدّي
طريق تجيب
تخريجة توقف
والاخرى تزحف
والطلقات كاع بحال بحال
طلقة البارود تقتل
طلقة اللسان تيتّم
التخريجة 8
ووهانا تاني درت يدّي
ها التّخميل مشمّر على قدّي
نتباهى ف جلايل الفرح
طاح تبطل سحور الجرح..قدامي
صابته عين
تنكّس عاوتاني
ليست هناك تعليقات:
إرسال تعليق