من ديك التشميرة
عل كتاف
من ديك التعميرة
و التنغيمة
كاف..
وشام لميمة
من لحنين ليها
فمنامي تتشاف
رسمها الخاطر
بخيوط حرير
سوالف..
من عشقها
عقلي تالف
تمنيت غير
طلتها و نوالف
القلب مربوط
بخيوط الغربة
تقول الزمان
عليا حالف
بغيت دوك الخطوات
لعندها نخالف
نسرج الركوب
وسط الموج الجارف
لميمة..
كنز.. غطا و فراش
و بنادم عارف
هوى يشد ليك
الخاطر الشارف
يوم تنكرها..
الدنيا عليك
تتكبر..
تولي ليك
جمر ..
تحرق فيك
اليابس و لخضر
________
ليست هناك تعليقات:
إرسال تعليق